यशोगाथा

सेवक संघाच्या अमरावती शाखेने आपल्या संघशक्तीच्या जोरावर सप्टेंबर २०१६ ते जुन २०१७ ह्या केवळ १० महिन्यांच्या कालावधीत अमरावती येथे उप वनसंरक्षक, अमरावती यांचे वतीने सेवक रोपवाटीका स्थापित करून त्यात दमदार अशा ५७००० दुर्मिळ व औषधी रोपांची निर्मिती करून दाखविली. सदर रोवाटीकेत तयार करण्यात आलेल्या रोपांची तपशीलवार माहिती सोबतच्या तक्त्यात दर्शविली आहे. एवढेच नव्हे तर त्यांनी सदर रोपांची अमरावती येथे त्यांचेतर्फे घडवून आणलेल्या वन महोत्सवाच्या कार्यक्रमात लागवडही करून दाखविली हा सर्वच एक अभूतपूर्व विक्रम असून सेवक संघासाठी ही मोठी अभिमानाची गोष्ट आहे. त्यांच्या ह्या वाटचालीत सेवक संघाचे कार्यकारी अध्यक्ष श्री. वि. त्र्यं. पत्की यांनी त्यांना प्रेरणा देउन मोलाचे मार्गदर्शन केले आहे. सेवक अमरावतीच्या ह्या प्रयत्नांतून त्यांना अमरावती वन विभाकडून प्रतीरोप रु. ६२/- प्रमाणे मानधन मिळणार आहे त्यापैकी आजपर्यन्त झालेला खर्च वजा जाता सेक संघास मोठा आर्थिक धनलाभही होणार आहे. सेवक अमरावतीच्या ह्या नेत्रदीपक विक्रमात सहभागी असणाय्रा आघाडीच्या मानकय्रांची नावे आहेत सर्वश्री. विजय भोसले, संजय जगताप, शंकर वहाणे, पी. के. गडबैल, सी. एस. चौधरी, डी. एस. गडपांडे, भगवान फर्तोडे, सतीश गावंडे, व विशाल निम्बोरकर. ह्या सर्वांचे सेवक संघातर्फे मन:पूर्वक अभिनंदन.